巴爾幹- Day 3 黑山共和國 Montenegro, Dubrovnik 夜景

6/6/2011   天陰陰

今天 join 了excursion 到黑山共和國。



                       

黑山名稱為 Montenegro，該名稱源於意大利語。 monte即是山，negro則是黑色的意思。

黑山原為南斯拉夫社會主義聯邦共和國的六個加盟共和國之一，南斯拉夫的四個加盟國（斯洛文尼亞、克羅地亞、波斯尼亞黑塞哥維那、馬其頓）在1990年代初獨立後，黑山和塞爾維亞成為了南斯拉夫僅存的兩個加盟共和國。2003年，南斯拉夫聯盟共和國決定放棄「南斯拉夫」的國名，改稱塞爾維亞和黑山。2006年，黑山舉行公民投票中險勝；黑山國會正式宣佈獨立，恢復了其在第一次世界大戰之前的獨立地位，同時成為世界第193個已獲承認的獨立國家。



                       

黑山景點比較散，時間唔夠的話，excursion 係一個唔錯的選擇。個tour counter 姐姐話8：30 會在hotel 門口pickup 我地，我地驚 miss，8：00 左右就落去留意d旅遊巴，點知等了無幾耐就有個男人走過來，話等了40min,原來係報名個靚姐姐攪錯，跟住佢就帶我地上架Benz, 正wor, 唔係大巴，原來今日得4個人，真好。

呢架就係 excursion 架車

開車唔夠一小時就到邊境（克羅地亞，黑山）

靚女關員望2望 passport, 就過關 (HKSAR website 無講黑山免 VISA, 但好多人都入到, 所以唔太 worry)

黑山，的確有好多山，高過2000米的，共有50坐，光頭導遊話，有許多人專程來行山的。

行程先到Perast.    的一個古城，是個位於海灣深處的悠閒小鎮, 名氣不大，所以沒有太多人. 過去曾是繁華的貿易中心，捕魚業十分蓬勃.

中間有2個𡷊，右邊一個是古老自然的，叫做St. George , 左邊一個 (Our Lady of the Rock)是人工造成的。

點解?

據說1452年時，有兩位漁民在小鎮對開的海中心發現一塊岩石，樣子有點似聖母瑪利亞，自此每逢船隻經過，水手也會向像聖母的岩石投石致意，久而久之，終於成為一個3,000平方米的小島。人們後來索性在島上興建一座教堂，名為Gospa od Skrpjela，不過當地人更喜歡稱之為Our Lady of the Rock，與旁邊的天然小島St. George為鄰，成為遊客必到的景點

有2架救火車

經過一個好靚的內湖

行行下見到隻鹿, 影都影唔切

到了一個好出名的景點，kotor古城，在這裡的時間唔多，得個幾鐘，但記得blog 友7e,曾在城樓上拍得全城遠景，所以在城內逰完必遊景點後，便極速上山，上得幾多得幾多，結果當然無令我失望啦。

在1979年已被聯合國列為世界文化遺產的Kotor古城，是黑山必遊景點之一；呈三角形的Kotor始建於9世紀，兩面環海，一面靠山，向來是漁民和水手的聚居地。

位於黑山最美麗的海灣沿岸，是一個保存完好的典型的中世紀城市，建於12至14世紀。雖然經歷過兩次嚴重地震,Kotor仍是亞得里亞海保存得最完好的中古城鎮之一.



Kotor 古城

這個城很小，城房都不高，沒有一條大街，感覺上好像都走在小巷中

鐘樓 Clock Twon,建於於1602年的鐘樓，它的前面矗立的高大的金字塔形的頸手枷，是用於處罰死囚和小偷

Kotor於十六世紀時曾被威尼斯大公國統治，街上古典的色彩仿似意大利的街角

十一世紀的Kotor Cathedral，這座曾被地震摧毀的聖堂

聖盧卡斯教堂 St. Luke's Church,位於科托爾古城的中心。這座教堂建於 1195年。直至17世紀中葉這曾是天主教教堂，戰後信奉東正教的人劇增，它變成了一個東正教堂，但是，天主教徒保留有一個祭壇供自己使用。這是在小鎮唯一的沒有在地震受到很大的破壞的建築物。

裡面都幾特別

跟住比 3 Euro 去看城牆

全長 4.5 公里的護城牆

用了10 分鐘差唔多到一半, Kotor 最吸引我的, 就係呢個 view 

天也開始清了

跟著便去budva 食lunch兼觀光，這裡有3個景點，第一個是幾個好長的沙灘，有點像法南和摩洛哥。等二個是小島 (Sveti Stefan)，這個是我覺得最美的。第三個是古城，呢個我覺得麻麻地。講番lunch,係個導遊介紹，本不想join,但睇完個view後，決定幫襯，因為都唔係好貴。



Budva - 小島 Sveti Stefan, 小島與大陸相連的沙堤是海灘, 好特別, 我很喜歡

週圍都賣毛製記念品，一望就知好暖，但太重，買唔到。

海邊間餐廳, 都唔錯 wor

Budva 古城

沙灘- 海濱區更被旅遊同業認定為世上五大最吸引及清潔的海灘之一，每年吸引不少遊人慕名而來。

回程了，坐過car ferry,好快又返回dubrovnik, 見到今日天色唔錯，又再去舊城捕飛影相shopping,

                       

從黑山回到 Dubrovnik, 都係六點幾, 所以再到舊城行行和影下夜景. 

講番影夜景, 其實在之前一日 (5/6), 跟據書的介紹, 我們上山找地方影日落加舊城的遠景。在找位途中，有一名操流利英文的中國人問我係咪要幫忙，他就教我們去一條山路影，話個位無乜人知，但當去到後，發覺唔對路，入黑後迷路就真係無人知啦，所以另找地方。不過個中國人好好人的，他說以前在香港住過2年，跟住同西人太太在dubrovnik 住了7年，好寫意。

上完山, 就係呢個位, 又有樹, 又人都無隻, 又多蚊, 走時會好黑, 唔對路.

落番半山, 個 View 又 ok, 不過係人地屋頂, 唔係幾好 (full view of dubrovnik)

之後落番沙灘，影幾張就走人，因為個天越影越唔惦。

沙灘

入黑了，再回人山人海的old  city 影幾張夜景，就回hotel 休息。

我們的酒店房間外

返到hotel 又11點了。

明天係我期待己久的地方，波斯尼亞！！



Information:

有人話 join tour 入黑山會唔洗簽證（特區護照），起碼我係，HKSAR website 都無話免簽, 但見有blog友自由行入到，不過，BNO 就一定免。

黑山係用Euro的。



Related blogs:

東南歐- 巴爾幹半島之旅

{序} 
Day 1 Dubrovnik 

Day 2 Dubrovnik 

Day 3 黑山共和國 

Day 4 波士尼亞

Day 5 波士尼亞

Day 6 波士尼亞 

Day 7-8 克羅地亞 Split

Day 9 克羅地亞 十六湖 

Day 10-11 克羅地亞 Zagreb 

Day 11-12 克羅地亞Rovinj

Day 12 斯洛文尼亞 Piran Day 13 -斯洛文尼亞 鐘乳洞

Day 13 斯洛文尼亞 鐘乳洞 Postojinska Jama

斯洛文尼亞首都- Ljubljana

斯洛文尼亞 Lake Bled